КОВИД-19 зошто некои заболени се асимптоматски?

Една од карактеристиките на Ковид-19 што ги загрижува научниците е фактот дека, покрај пациентите кои покажуваат јасни знаци на инфекција, постојат и такви, т.н. асимптоматски, кои се заразени и не покажуваат знаци на инфекција. Единствениот начин да се утврди дали се заразени е преку тестирање.

Неаполски онлајн весник ги пренесува резултатите на данските научници од Универзитетот во Архус кои се обиделе да ја објаснат оваа состојба.

Според истражувањето објавено во списанието Embno Reports, Ковид-19 е во состојба да избегне, да ги измами имуните клетки кои се наоѓаат во белите дробови на човекот, а кои, кога ќе се заразат, почнуваат да лачат интерферон, супстанца што му помага на имунитетот да го одржи телото здраво.

Данските научници покажаа дека корона вирусот е во состојба да инхибира, за да спречи овие клетки по инфекцијата со вирусот повеќе да лачат интерферон, и со тоа да ја намалат способноста на телото да се одбрани.

Ова е причината зошто вирусот, во првата фаза на инфекција, се шири од заразено лице, кое не покажува знаци на инфекција, на други со кои заразениот е во контакт.