Пријава за дозвола за германската вакцина во ноември?

Извршниот директор на германската компанија „BioNtech“, Угур Сахин, очекува дека наскоро ќе бидат достапни резултатите од доцната фаза на клиничките испитувања на потенцијалната вакцина против коронавирусот и компанијата ќе може да аплицира за добивање дозвола во САД кон средината на ноември, доколку оцените бидат позитивни.

Шахин изјави дека првите податоци за ефикасноста на вакцината се очекуваат кон крајот на октомври или почетокот на ноември. Toj е оптимист и дека компанијата ќе достави барање за употреба на вакцината до Администрацијата за храна и лекови во средината на ноември, доколку сè биде во ред, пренесува Ројтерс.

„BioNtech“ и нејзиниот американски партнер „Pfizer“ се меѓу водечките компании кои работат на развој на вакцината против коронавирусот, заедно со „Moderna“ од САД и „AstraZeneka“ од Велика Британија.