Илон Маск планира да воведе интернет на Марс

Space X има намера да изгради мега-мрежа на сателити Starlink околу Марс за да обезбеди интернет за милиони луѓе што компанијата планира да ги испрати во процесот на колонизација на црвената планета. Мрежата ќе служи и како комуникациски мост помеѓу Марс и Земјата.

„Откако ќе ги донесеме луѓето на Марс, ќе им треба способност да комуницираат“, рече претседателот и извршен директор на Space X, Гвин Шотвел, во интервју за Тајм објавено на Јутјуб.

Во исто време, Шотвел истакна дека тие не се откажуваат од Земјата, туку се обидуваат да му дадат на човештвото уште една шанса во случај да и се случи нешто страшно на нашата планета.

Се очекува, сателитите да не обезбедуваат само интернет за жителите на Марс, туку опремата ќе делува и како мост за комуникација на црвената планета со Земјата.

Директорот на „Спејс Х“ потсети дека Елон Маск ја основал компанијата заради изградба на вселенски транспорт што ќе им овозможи на луѓето да патуваат на други планети.

Компанијата веќе лансираше 835 сателити Starlink во орбитата на Земјата, мрежа на сателити дизајнирани да обезбедат широкопојасен интернет. Последното лансирање беше на 18 октомври. Вкупно, се планира да се лансираат околу 12 000 сателити во орбитата.

Извор: sputniknews.com