Смешки. Најбогатиот човек на светот советува како да се преживее со 100 дeнари на ден!
Најбогатиот човек на светот Бил Гејтс даде интересна изјава, која насмеа, a во исто време и разбесни многумина.
Иако има повеќе пари отколку што може да потроши за педесет животи, основачот на „Мајкрософт“ се обиде да замисли како би живеел ако бил сиромашен.
Гејтс постојано им помага на сиромашните во Африка и добро знае како луѓето преживуваат во екстремна сиромаштија, а сега понуди совети како да преживееме со само два долари на ден.
– Би одгледувал кокошки. Како прво, кокошките се лесни и ефтини за чување, а јас исто така можам да придонесам за одржување на здравјето на децата бидејќи тие се непроценлив извор на хранливи материи. Јајцата можат да помогнат во борбата против гладта, а постои и можност за продажба на кокошки и јајца, а потоа со тие пари и купување друга храна. Кокошките се добра инвестиција. Да претпоставиме дека земјоделец започнува со пет кокошки. Еден сосед има петел што може да оплоди кокошки за да има повеќе јајца. После три месеци, земјоделецот може да има дури 40 кокошки. И на крајот, продажна цена од пет долари за пиле, што е типична цена во Западна Африка, може да доведе до заработка од над 1.000 долари годишно – објасни Гејтс во својот блог.
