НЕ МОЖЕТЕ ДА СЕ ЗАРАЗИТЕ СО КОВИД ВО АВИОН!
Ризикот од инфекција со Ковид-19 во авионите, со преземените безбедносни мерки, е многу мал, значително помал отколку во продавница или ресторан, објавија истражувачите од Харвард.
Истражувањето е финансирано од групацијата Airlines for America, која ги обединува авиокомпаниите и производителите на опрема за авиони, во време кога американските компании бележат загуби од милијарди долари секој месец, како резултат на падот на прометот од 65 проценти, поради корона вирусот, пренесуваат американските медиуми.
Американските авиокомпании имаат 50 проценти помалку летови од минатата година.
Истражувањето покажа дека откако авиокомпаниите воведоа задолжително носење маски, повеќе чистење и промена на постапката за влегување и излегување на патниците, „има многу малку докази за заразување за време на летот“.
За авионите имаат систем за вентилација што го менува воздухот во просек на секои две до три минути, отстранувајќи 99 проценти од честичките со големина на корона вирусот.
Научниците исто така истакнуваат дека маските значително го намалуваат ризикот од пренесување на инфекцијата.
Американскиот центар за контрола и превенција на болести препорача патниците и членовите на екипажот да носат маски во авионите и на аеродромите за да се спречи ширењето на Ковид-19.
