Пронајден е „виновникот“ за масовната смрт на морскиот свет

Отровните алги, а не човечкиот фактор, најверојатно се виновни за масовната смрт на морскиот свет на Камчатка на рускиот Далечен исток, заклучија руските власти.
Инцидентот на Камчатка, кој се случи пред неколку недели, е најголемиот поморски инцидент во кој беа убиени октоподи, фоки и други морски животни, а локалното население се жалеше на разни видови болести, пренесува Би-Би-Си.

Сепак, портпаролката на рускиот истражен комитет, Светлана Петренко, тврди дека во таа област немало загадување со нафта.

“Не беа пронајдени тешки метали во примероците на вода или морските суштества. Сето ова потврдува дека имало загадување на природата, пред сè цветање на фитопланктон”, рече таа.

Првите откритија укажуваат на тоа дека во водата има нафтени деривати и феноли, сепак, Петренко вели дека зголемените количини на овие супстанции не се критични.
Еколошката група на Гринпис го опиша инцидентот како еколошка катастрофа и повика на независна истрага.