Хабиб Нурмагомедов ја заврши својата кариера без пораз

Рускиот ММА борец Хабиб Нурмагомедов ја одбрани титулата светски шампион во лесна категорија во УФЦ откако во Абу Даби го победи Американецот Џастин Гејџи.
По борбата што му ја посвети на неодамна починатиот татко, Нурмагомедов исто така објави крај на неговата кариера во која оствари 29 победи, без ниту еден пораз.
Во емотивното обраќање Нурмагомедов рече дека ова е неговата последна борба во ММА светот, односно дека ќе ја заврши кариерата, како што и ветил на својата мајка.
„Ми остана само еден родител, мојата мајка и сакам да поминувам повеќе време со неа“, изјави шампионот во ММА.