Поради корона вирусот, ќе има помалку деца, а луѓето ќе бидат осамени

Во блиска иднина ќе се раѓаат помалку деца, а луѓето ќе бидат поосамени, предвидуваат американските експерти кои ги разгледувале психолошките последици од корона вирусот врз човештвото.

Експертите прегледале 90 студии за да предвидат што го чека човештвото по пандемијата на корона вирусот.

„Колку подолго трае пандемијата, толку полоши ќе бидат последиците“, изјави Марти Хаселтон, психолог од Универзитетот во Калифорнија, Лос Анџелес.

Падот на бројот на новороденчиња ќе влијае на општеството и економијата, а со тоа ќе влијае и на работните места и поддршката за постарата популација, објави „Дејли меил“.
Покрај тоа, експертите предвидуваат дека нееднаквата поделба во домашните обврски поради карантинот ќе доведе до поголема родова нееднаквост и ќе поттикне поголем социјален конзервативизам.

На многу начини, „пандемијата ќе стане глобален социјален експеримент“, велат експертите, пренесува Танјуг.