Бизарен случај што ја насмеа Италија: Побарал развод бидејќи неговата сопруга не чистила, не миела садови и не готвела
Мажот пред судот изјавил дека неговото “патење” траело две години. Покрај тоа што гладен живеел во неред и не се сеќава на неговиот последен пристоен оброк, тој исто така рекол дека неговата сопруга повремено го бркала од спалната соба.
Еден човек од селото Сонино во Италија најпрво во полиција, ја пријавил својата пет години помлада сопруга, со објаснување дека таа го запоставува и малтретира, не чистела, не миела садови и не му готвела. Карабинерите многу сериозно ги сфатиле обвинувањата и наместо да го отфрлат извештајот, односно да го прогласат за семејна расправија, тие целиот случај го проследиле до судот, кој „запуштениот“ сопруг едвај го чекал.
И сето ова може да останеше во сферата на добра шега доколку полицијата и судот не го проучуваа внимателно неговиот случај со месеци, додека на жената и се закануваше затворска казна од две до шест години за домашно злоставување.
„Ова е случај кој изгледа како да дошол некаде од 50-тите години на минатиот век, а не од земја каде што има родова еднаквост“, коментираше судијката Мара Матиоли, објавува Телеграф.
