Лекувањето со крвна плазма е ефикасен само на почетокот на болеста

Употребата на крвна плазма од опоравените од коронавирусот за лекување на заболените е од мала корист, покажа најновото клиничко истражување спроведено во Индија.

Резултатите од истражувањето беа објавени во британското медицинско списание BMJ и покажува дека третманот со крвна плазма не ја намалува или спречува смртноста од корона вирусот, пренесува Ројтерс.

Студијата е спроведена врз основа на студија на 464 хоспитализирани пациенти со Ковис-19 и покажала дека третманот со плазма има многу мал ефект врз контролата на вирусот.

Студијата е извршена со поделба на заразените пациенти во две групи – едната примила две трансфузии на реконвалесцентна плазма, во период од 24 часа, со најдобра стандардна нега, а другата не примила плазма.

По седум дена, кај пациентите кои биле лекувани со крвна плазма се подобриле некои симптоми, како дишењето и заморот, но бројот на смртни случаи не се намалил.

Сајмон Кларк, експерт за целуларна микробиологија на Универзитетот Ридинг, изјави дека крвната плазма нема клиничка корист.

Вирусологот од истиот универзитет, Јан Џонс, смета дека плазмата има ефект ако му се даде на некого наскоро по заразување со вирусот и дека истражувањето за ефектите на плазмата ќе продолжи.