Алкохолот и стресот негативно влијаат на создавањето антитела

Антителата на коронавирусот најслабо се развиваат кај луѓето постари од 70 години, како и кај оние кои се под постојан стрес или редовно пијат алкохол, изјави рускиот научник Александар Гинзбург.

Директорот на Националниот истражувачки центар за епидемиологија и микробиологија на Гамалеј на руското Министерство за здравство изјави и дека одредени околности можат да го отежнат развојот на антителата и кај помладите луѓе.

“Редовната употреба на алкохол, особено за време на периодот на вакцинација, има многу негативно влијание врз количината на развиени антитела и врз имунитетот на Т-клетките. Постојан стрес или постојаните стресни ситуации, исто така, имаат негативен ефект”, рече Гинзбург.

Научникот исто така објасни дека создавањето антитела може да биде под влијание на цитостатици и антибиотици со широк спектар.