Ќе се преработи хитот „We are family“, приходите ќе бидат наменети за борба против корона вирусот: Секоја чест, така треба

Пејачката Kim Sledge од групата Sisters Sledge, ќе ги донира средствата од преработката  на синглот „We Are Family“ на Светската здравствена организација, изјави во понеделникот шефот на Tedros Adhanom Ghebreyesus.

– Би сакал да и се заблагодарам на Kim Sledge за дарежливата понуда да ни ги донира средствата од нејзината специјална верзија на песната „We Are Family“ – рече Tedros. Тој исто така посочи дека овие средства ќе бидат искористени за борба против коронавирусот и зајакнување на здравствените капацитети низ целиот свет.

Sisters Sledge e група составена од четири сестри од Филаделфија. Песната беше издадена во 1979 година. Kim Sledge сними нова верзија на хитот, кој ќе биде објавен на 9-ти ноември.

Заедно со песната, ќе биде објавен и видео запис со бројни музички sвезди, здравствени работници и светски лидери. Сите заедно ќе пеат за да покажат солидарност во борбата против сегашните и идните здравствени предизвици за светот, пишуваат светските медиуми.

Фановите на социјалните мрежи пишуваат дека на тој начин можат да се соберат многу пари и дека тоа може да им помогне на многумина кои се борат против коронавирусот.
– Честитки, тоа е добра одлука. Така треба – напишаа тие.