Се отвара најдолгиот висечки мост за пешаци во светот: 516 метри убавина

На шеесетина километри од Порто, во португалскиот град Арука, наскоро ќе се отвори најдолгиот мост за пешаци во светот. Долг е 516 метри, поради што го доби името „516 Arouka“.
Мостот гледа на кањонот на реката Паива, изграден е 175 метри над земјата, а широк е 1,2 метри. Направен е од челични кабли и метални решетки и е поставен помеѓу две бетонски кули.

Потребни се пет до десет минути за да стигнете од едниот до другиот крај. Времето на преминување исто така може да се зголеми во зависност од тоа дали ќе застанете додека одите од страв од височина или од желбата да му се восхитувате на спектакуларниот поглед на кањонот.

Мостот „516 Arouka“ треба да биде отворен во текот на следната година, но точниот датум засега не е познат. Кога ќе се отвори, тој и официјално ќе го симне од тронот досегашниот победник, најдолгиот висечки мост во Зермат во Швајцарија, кој е долг околу 500 метри, пренесува порталот „Панкуфер“.