Валентино Роси позитивен на коронавирус

Валентино Роси е позитивен на коронавирус и нема да се натпреварува за Големата награда на Арагон во Шпанија.

Во Арагон ќе се возат две трки и засега е сигурно дека Роси нема да учествува на првата, а под знак прашалник е и неговиот настап на втората трка.

“За жал, утринава не се чувствував добро. Имав болки во коските и температура. Веднаш се јавив кај докторот кој ме тестираше двапати. Брзиот PCR тест беше негативен, како и тестот што го направив во вторникот. Но, вториот тест, чии резултати ги добив во 16 часот за жал беа позитивни “, објави Роси.