И следната година ќе се бориме против коронавирусот

Познатиот италијански научник, вирусолог Иларија Капуа, професор на Американскиот универзитет во Флорида, тврди дека светот ќе се бори против коронавирусот и следната година.

“Погрешно е да се верува дека вирусот не постои, за жал, тој е околу нас и ќе мора да најдеме начини да живееме со него и да ги организираме своите животи бранејќи се од инфекција. Точно е дека вирусот се менува, ќе имаме периоди кога ќе се шири помалку, како ова лето, кога имавме помалку заразени лица, но коронавирусот сè уште е опасен и бројот на заразени ќе се зголемува “, изјави Иларија Капуа.

Taa додава дека треба да се посвети посебно внимание на растот на бројот на пациенти во одделенијата за интензивна нега, што е показател за тоа колку брзо се шири коронавирусот и дека е потребно итно и одлучно да се реагира.

Според нејзините зборови, ќе помине уште многу време додека се најде ефикасна вакцина против Ковид 19, па дури и кога ќе се најде вакцината, ќе биде потребно многу време пред целата популација да се вакцинира.