Создадена нова класа антибиотик базиран на отров од оса: тој е смртоносен за отпорните бактерии
Научната медицинска заедница се соочи со сериозен проблем – отпорност на антибиотици. Постојат неколку видови на антибиотици и лошата вест е дека човечкото тело се навикнува на нив, како резултат на што овие лекови престануваат да дејствуваат.
Така, бројот на бактериски видови кои стануваат нечувствителни на антибиотици постојано расте. Секоја година, околу 750 000 луѓе умираат поради отпорност на бактериите на антибиотици во светот. Научниците од Универзитетот во Пенсилванија идентификуваа клучна состојка за развој на нов антибиотик – пептид мастопаран-Л, според Phys.org .
Од отровот на азиската оса Vespula lewisii, научниците изолираа специјален пептид насочен кон уништување на бактериските мембрани.
Во мали дози, тој е безбеден за луѓето, но за еритроцитите – многу токсичен, што може да предизвика алергиска реакција.
Како отровот може да биде безбеден ако е алерген?
Научниците го решија овој проблем со модифицирање на еден дел од мастопаран-Л, кој се смета за главен извор на токсичност за човечките клетки. Заменет е со друг од веќе познатиот антимикробен пептид.
За време на експериментите на модели на глувци, експерименталниот лек заштити животни од смртоносни бактериски инфекции – Ешерихија коли и Стафилококус ауреус.
Покрај тоа, истражувачите развиле и други варијанти на модифицираниот мастопаран-L и ги тестирале на човечки клетки. Пептидот покажал антимикробен ефект без несакани ефекти.
Затоа, научниците се надеваат дека овие молекули ќе станат основа за нова класа антибиотици кои можат да се спротивстават на отпорни бактерии.
