Втората руска вакцина против корона ќе биде пуштена во употреба на Нова година

Вакцината против корона вирусот „Вектор“ ќе биде пуштена за цивилна употреба на 1 јануари 2021 година, објави Министерството за здравство на Русија.

„Краен рок за воведување во цивилна употреба – 01.01.2021 година“, се наведува во потврдата за регистрација на вакцината.

Вакцината е регистрирана според посебна постапка и затоа лекарите треба да ја информираат службата за здравствен надзор (Росздравнадзор) за секоја нејзина употреба, наведено е во упатството за употреба на препаратот.

Меѓу несаканите ефекти се наведуваат: болка на местото каде што ќе биде примена вакцината и покачена температура. Интеракцијата со други лекови не е проучена.
Да потсетиме, претседателот на Русија, Владимир Путин, денес објави дека рускиот научен центар „Вектор“ ја регистрирал својата втора вакцина против корона вирусот.

Извор: sputniknews.com