Бременоста во подоцнежните години може да ви го продолжи животот
Додека бројот на жени кои решаваат да имаат деца само по 30-годишна возраст постојано се зголемува, новото истражување сугерира дека тие би можеле да имаат една голема предност: подолг живот.
Една студија објавена во октомври 2020 година во списанието „Menopause“, Северноамериканско друштво за менопауза (NAMS), открива дека жените кои го родиле своето последно дете на подоцнежна возраст, веројатно имаат подолги телемери или крај на хромозомот.
Пократките теломери се поврзани со повеќе болести и тешко преживување, според истражувањето објавено во Current Opinion in Clinical Nutrition & Metabolic Care. Исто така, стапката на скратување на теломерот може да се зголеми или намали со изборот на начин на живот, вклучувајќи диета и активности.
Значи, дали подоцнежната бременост е еден од оние избори кои можат да го спречат скратувањето на теломерите? Па, тоа е сè уште нејасно.
„Потребни се повеќе истражувања за да се утврди дали последното раѓање на постара мајка предизвикува издолжување на теломерот или должината на теломерот да служи како доказ за општата здравствена состојба и да одговара на способноста на жената да има дете на подоцнежна возраст“, рече Стефани Фаубион, директорка на NAMS.
Но, ова не е прв пат некои истражувања да покажат врска помеѓу подоцнежната бременост и подолгиот живот. Една студија објавена во списанието „Menopause“ во јануари 2015 година покажа дека жените кои го родиле своето последно дете по 33-та година од животот имале двојно поголема веројатност да живеат до 95 години или повеќе, наспроти оние кои го родиле последното дете на 29-годишна возраст. Друга студија открила дека според родителите, жените кои родиле после 40 години имале четири пати поголема веројатност да живеат до 100 години.
