Ѓоковиќ добива шанса за реванш!

Новак Ѓоковиќ го загуби финалето на Ролан Гарос од Рафаел Надал, а можеби ќе има можност за „поправен“ во Виена.

Организаторите на турнирот од серија 500 открија дека „вршат притисок“ врз Шпанецот да се појави во главниот град на Австрија во момент кога се шпекулира дека тој сака да одмори до Австралија опен.

Од порано е познато дека светскиот рекет број еден го потврди своето учество.

“Се обидуваме да сториме се што е можно за да може Надал да игра на нашиот турнир. Тој ќе одлучи за својот распоред и програма, односно дали сака да освои повеќе бодови и да се обиде да му се доближи на Ѓоковиќ “, изјави директорот на турнирот во Виена, Хервиг Страк.

Титулата ја брани Доминик Тим, а Ѓоковиќ има можност да ги зголеми поените затоа што во Виена нема играно од 2007 година.

Турнирот се игра од 26 октомври до 1 ноември, а наградниот фонд е 1.409.510 евра.