„Местото на Меси е во Барселона“

Првиот човек на Ла Лига, Хавиер Тебас, зборуваше за Лионел Меси и за неговото “заминување” од Барселона.
Лионел Меси имаше голема желба да ја напушти Барселона, но тоа не беше можно ова лето без големо обештетување.
Никој не можеше да ги даде тие пари и Меси остана во Барса, а еве што размислува првиот човек на шпанското фудбалско првенство за тоа.
“Како што секогаш велев, местото на Меси е во Ла Лига и многу е подобро да остане во Барселона. Единството помеѓу Барселона и Меси е одлично за сите три страни – играчот, клубот и лигата. Иако тој смета дека е подобро да си замине, јас не мислам така. Меси е машина, а зад него цела индустријата. Тој ќе остане и можам да кажам дека веќе продадовме телевизиски права ширум светот и никој не се јавува да откаже доколку Меси ја напушти Барселона”, изјави Хавиер Тебас.