По 25 години, легендарниот рок бенд се врати на врвот на топ листите со нов албум

Queen за прв пат од 1995 година, се вратија на врвот на листата на најдобри албуми во Велика Британија.

Албумот во живо Live Around The World е десеттиот албум на Queen, a прв со американскиот пејач Адам Ламберт, кој се приклучи на бендот во 2011 година.

Тој е осмиот албум во живо на Queen, но прв без основачот и фронтмен Фреди Меркјури, кој почина во 1991 година.

Ламберт првпат настапи со Тејлор и гитаристот Брајан Меј во 2009 година, кога беше финалист во осмата сезона на American Idol.

Две години подоцна, тие започнаа да настапуваат заедно на концерти.

Оттогаш, Queen и Адам Ламберт се едни од најбараните изведувачи во светот.

Албумот вклучува хитови како Don’t Stop Me Now, Radio Ga Ga, We Will Rock You и We Are The Champions, изведени на концерти ширум светот.

Албумот беше објавен како благодарност до обожавателите по откажувањето на турнејата во 2020 година поради пандемија на коронавирус.