Што е најдобро за слабеење?
Ако причината поради која вежбате е да го изгубите вишокот килограми, веројатно сте почнале да се прашувате кој тип на вежби ќе ви дадат најдобри резултати: тренинг за издржливост (долго трчање) или тренинг за сила (кревање тегови).
Една неодамнешна студија, чии резултати беа објавени во „Journal of Applied Physiology“, открива дека со намалувањето на внесот на калории, видот на вежбањето не е толку важен фактор кога станува збор за губење на вишокот килограми.
Во студијата учествувале 96 мажи и жени со вишок килограми, кои следеле програма за вежбање и диета во период од 22 недели. Учесниците биле поделени во четири различни групи, во зависност од типот на вежбите. Сите учесници вежбале три пати неделно и следеле план на исхрана заснован на намалување на внесот на калории.
На крајот од студијата, сите учесници изгубиле одреден број на вишок килограми. Губење на масно ткиво е забележана кај сите. Од ова може да се заклучи дека типот на вежбите не играл никаква улога кога станува збор за слабеењето.
Ова истражување ја потврдува тезата дека најефективниот начин да се намали бројот на вишок килограми е всушност да се намали внесот на калории додека се зголемува нивото на физичка активност. Ако трчате редовно, веројатно веќе имате високо ниво на физичка активност и ќе внимавате што и кога јадете.
Но, постојат начини дополнително да го забрзате губењето на вишокот килограми. Следете ги овие совети за да изгубите килограми што е можно побрзо, но и да да ја задржите линијата:
- Секогаш користете скали наместо лифтови.
- Секој час, шетајте или стоите 10 до 15 минути.
- За време на паузите направете неколку повторувања на вежби за сила.
- Паузите за јадење користете ги и да се раздвижите.
Извор: centarzdravlja.hr
