Коронавирусот убива три пати повеќе луѓе отколку сезонскиот грип и пневмонијата заедно

Британското биро за национална статистика објави дека Ковид-19 е главната причина
за повеќе од 48.000 смртни случаи.
Коронавирусот, меѓу јануари и август оваа година, предизвикал три пати повеќе
смртни случаи отколку сезонскиот грип и пневмонијата, соопшти Националниот завод
за статистика.
Тие ги проучувале стапките на смртност кај сите три болести и откриено е дека 48.168
смртни случаи се поврзани со Ковид-19 и дека овој вирус е основната причина за
смртта и тоа за три пати повеќе во однос на сите другите болести. 13.619 лица
починале од пневмонија и 394 починале од грип.
Меѓу починатите кај кои е откриен сезонски грип и пневмонија, како и Ковид-19,
основната причина за смрт во 96 проценти од случаите е коронавирусот.
Бирото исто така ги спореди овие податоци со сите податоци од 1959 година, кога
месечно се собирале записи за смртта, и откриено е дека Ковид-19 е посмртоносен од
било која сезона на грип и пневмонија.
Кај жените има повеќе смртни случаи како резултат на сезонски грип или пневмонија,
додека смртта од Ковид-19, била за 24% поголема кај мажите.
Сара Кол, раководител на одделот за анализа на смртност во Институтот, изјави:
„Помеѓу јануари и август оваа година, беа регистрирани три пати повеќе смртни
случаи кај кои Ковид-19 беше главната причина во однос на грипот и пневмонијата“,
пренесува „Индипендент“.