Времен сообраќаен режим на повеќе улици во Скопје

Ве потсетуваме дека  во тек е градежна офанзива за реконструкција на коловозот на повеќе сообраќајници на територија на Скопје.

Деновиве се работи на реконструкција на асфалтот од коловозот на улицата  11 Октомври , општина Центар и тоа на потегот од крстосницата со ул. Даме Груев до к-цата со бул. Кочо Рацин во насока на движење кон Кисела Вода, па  на оваа половина од улицата не се одвива сообраќај. Времената измена на режимот на сообраќај е означена со посебна сигнализација,ќе важи до завршување на активностите, поради изведување на градежните активности сите постојни автобуски стојалишта од ул. “11 Октомври” се пренасочени по ул. “Св. Кирил и Методиј”, а сообраќајот се одвива во двете насоки на едната половина од улицата. 

Градежни работи за реконструкција на коловозот се изведуваат и на ул. Никола Карев во близина на Новата железничка станица, времен режим е воспоставен на делот од ул. од крстосницата со бул. Кузман Јосифовски Питу кон бул. 3-та Македонска Бригада, а сообраќајот се одвива по едната половина на улицата и тоа во двете насоки.

Поради градежни работи  за изведба на фекална и атмосферска канализација на бул. Македонско Косовска Бригада во следниов период на потегот од к-цата со ул. Џон Кенеди до к-цата со бул. Никола Карев, нема да се одвива сообраќај.

Во тек е и комплетна реконструкција на коловозот на ул.Лазар Личеноски, ул. Востаничка, на бул. Александар Македонски и тоа од к-ца со ул. Интернационални бригади кон излез на Скопје, бул. Видое Смилевски Бато, бул. 8ми Септември од к-ца со бул. Илинден кон к-ца со ул. Скупи, бул. Босна и Херцеговина, ул.Есенинова, како и ул. Васил Ѓоргов.

Апелираме до сите учесници во сообраќајот да бидат внимателни и да ја прилагодат својата брзина на движење според условите на патот.