Фејсбук ја отстрани објавата на Трамп за коронавирусот

Фејсбук избриша објава во која американскиот претседател Доналд Трамп тврди дека Ковид 19 е „помалку смртоносен“ од сезонскиот грип.

Тој напиша дека Соединетите држави „научиле да живеат со сезонскиот грип, исто како што сега учат да живеат со коронавирусот, што е уште помалку смртоносен кај народот“.
Покрај социјалната мрежа Фејсбук, на овој пост реагираше и Твитер, кој го означи како „ширење погрешни и потенцијално штетни информации“, па затоа оние што сакаат да го прочитаат твитот, прво мора да го видат ова предупредување и да потврдат дека го прочитале.

„Отстрануваме неточни информации за сериозноста на Kовид-19, затоа го отстранивме и овој пост“, изјави Енди Стоун, менаџер за комуникации на Фејсбук.

Трамп реагираше на ова со пишување „REPEAL SECTION 230!!! “, кој се однесува на законот според кој социјалните мрежи не се одговорни за објавите на корисниците, но тие можат да отстранат сè што е потенцијално опасно, неточно или штетно.

Инаку, Ентони Фаучи, водечки американски епидемиолог, реагираше на изјавата на Трамп дека коронавирусот е помалку опасен од обичниот грип, негирајќи го тоа. Тој потсети дека симптомите се слични, но дека штетата на организмот од коронавирусот е различна од онаа на грипот.