По пауза од 20 месеци: Во следните две години во киносалите ќе пристигнат 12 филмови за суперхерои

„По сушата доаѓа поплава!“, најавуваат продуцентите на филмовите од Marvel и DC, нагласувајќи дека премиерата на „Black Widow“ ќе ја прекине паузата од повеќе од 20 месеци од последната премиера на Марвелов филм во киносалите.

Филмот „Morbius“ треба да се појави во киносалите на 19 март 2021 година, а љубителите на филмовите со суперхерои ќе бидат особено задоволни од информацијата дека после тоа во кино салите ќе пристигнат уште 11 премиери.

Распоредот за 2021 година изгледа вака: 19 март – “Morbius”, 7 мај – “Black Widow”, 25 јуни – “Venom: Let There Be Carnage”, 9. Јули – “Shang-Chi and the Legend of the Ten Rings”, 6. Август – “The Suicide Squad”, 5. ноември “Eternals” и 2021-та година ќе ја затвори продолжението на филмот “Spider-Man: Far From Home”.

Веќе на 11 февруари 2022 година ни пристигнува “Thor: Love and Thunder”, 4 март – “The Batman”, 25 март – “Doctor Strange in the Multiverse od Madness”, 6. Мај – “Black Panther II” и 8. Јули – “Captain Marvel 2”. 

Продуцентите нагласија дека овие датуми може да се променат поради пандемијата на коронавирусот.