Ослободете се од овие навики и ќе бидете СРЕЌНИ!
Зошто понекогаш ни е толку тешко да бидеме среќни? Ако ги отфрлиме лоши околности и работи на кои апсолутно не можеме да влијаеме, сè што треба да сториме е да погледнеме длабоко во себе и да ја откриеме причината за нашата несреќа.
Многу психолози веруваат дека рецептот за успех лежи во промената на само три лоши навики, кои де факто ја саботираат нашата шанса да бидеме среќни. Еве за кои навики станува збор.
Постојано се жалите
Постојаното жалење е непријател на среќата. Колку и да чувствуваме задоволство кога „ќе извадиме сè од себе“, тоа е само привремено задоволство што брзо ќе биде заменето со очај.
Нема ништо лошо во изразувањето незадоволство ако тоа доведе до позитивна промена во однесувањето. Постојаното лелекање без да се обидете да промените нешто, од друга страна, само ќе доведе до уште поголема фрустрација и на крајот до апатија.
Не водите грижа за себе
Мали се шансите да бидете среќни ако не се грижите за себе. Како ќе уживате во животот ако не спиете доволно, не сте задоволни со својата тежина и немате енергија да го завршите започнатото?
Пред да добиете шанса да бидете среќни, мора малку да ги засукате ракавите, да работите на себе и да не дозволувате летаргија и немањето никаква цел, повторно да ве земат под свое.
Одложување
Одложувањето на обврските нема да има добар ефект врз вашата благосостојба. Како прво, одолговлекувањето е многу стресно, бидејќи во моментите кога не го правиме она што треба да го правиме, не можеме навистина да се забавуваме.
Кога така бегаме од одговорност и напор, во суштина стануваме психички послаба личност, неспособни да се соочиме со новите предизвици.
