Почина пејачот Johnny Nash

Американскиот пејач Johnny Nash, познат по реге-хитот од 1972 година „I Can See Clearly Now“, почина на 81-годишна возраст, пренесува TMZ. Неговиот син John Nash III објави дека музичарот починал во својот дом од природна смрт.

– Тој беше прекрасен татко и семеен човек. Ги сакаше луѓето и светот. Семејството за него беше сè – изјави синот за TMZ.

Хитот „I Can See Clearly Now“, беше објавен во 1972 година и беше четири недели на врвот на Billboard Hot 100. Песната беше хит и во Канада, Велика Британија и Јужна Африка.
Nash е роден на 19 август 1940 година во Хјустон, Тексас, a ја започна својата кариера кон крајот на 1950-тите како пејач и актер. Во средината на шеесеттите се пресели во Јамајка каде беше под влијание на реге-музиката.

Тој исто така беше еден од првите не-јамајкански пејачи кои снимаа реге музика во Јамајка. Неговиот последен студиски албум „Here Again“ беше објавен во 1986 година.