Основачот на модната куќа Кензо почина од коронавирус

Основачот на модната куќа Кензо, Кензо Такада, почина од коронавирус на 82-годишна возраст.
Оваа вест ја потврди неговиот портпарол.

Јапонскиот дизајнер беше познат низ целиот свет под неговото име Кензо. Своето прво големо признание го доби кога еден од неговите дизајни беше објавен на насловната страница на списанието „Elle“ во 1970 година.

Талентираниот дизајнер знаеше да привлече внимание, па во една прилика одржа модна ревија во циркуски шатор. Ревијата заврши така што Кензо прошета по пистата качен на слон.
Такада дури режираше филм наречен Yume, yume no ato, кој беше објавен во 1981 година.

Во јануари 2020 година, Такада најави лансирање на нов бренд наречен K3, кој се однесува на дизајнирање мебел и садови. Брендот за првпат беше претставен на Maison et Objet на 17 јануари 2020 година.