Цела ноќ се журкал дома, па му пристигнала порака од лут сосед: „Нема да се извинам што го кажав тоа е ** се“

Станар во една зграда не можел да спие бидејќи неговиот млад сосед правел забава во неговиот стан, која траела цела ноќ. Затоа тој решил во неговото сандаче да му остави интересна пасивно-агресивна порака.

Господинот од австралискиот град Перт му напишал саркастична порака од гледна точка на момче кое му сметало, веројатно сакајќи да му даде до знаење колку го вознемирил. Не знаеме дали имало ефект, но еве ја пораката во целост.

“Не можевте да спиете до 3 часот наутро? Ова не е извинување. Нема да се извинам за забавата што ја правев додека родителите не беа дома или за тоа што осум часа нон стоп пуштав гласно музика. Нема да се извинам што не можам да спијам, и иако убаво ме замоливте, јас само ви реков е **  се.

Ако сакате да престанам да ве вознемирувам, јавете се во полиција. Сигурно нема да биде прв пат да им се јавите – им се јавивте и минатата ноќ, но тие дојдоа предоцна. Можете исто така да му напишете порака на татко ми и да го запознаете со ситуацијата“, стои во пораката.

Мислењата на Фејсбук секако се поделени. Додека на некои им се допаѓа симпатичната доза на сарказам со која постариот господин се обидува да му одржи лекција на  младиот сосед или барем да ја разбуди совеста во него, други ова го нарекоа типично однесување на постарите генерации, на кои младите секогаш им сметаат поради нешто.