Најголемата сензација на Ролан Гарос: До сега нема одиграно АТП натпревар, а совлада поранешен освојувач на турнирот

Хуго Гастон, 239-от тенисер во светот, ја направи најголемата сензација на овогодинешниот Ролан Гарос кога во 3 коло, во 5 сета славеше над победникот од 2015 година, Стен Вавринка.

Гастон победи со 3: 2 (2: 6, 6: 3, 6: 3, 4: 6, 6: 0) против славниот Швајцарец, а приказната е уште полуда ако се знае дека Гастон до годинашниот Ролан Гарос во својата кариера никогаш не одиграл АТП натпревар.

На Отвореното првенство на Франција, за чие учество доби покана, стигна со четири порази во низа, а потоа “полуде” и започна да прави чуда. Тој го доби првиот меч  во Париз, за ​​да во третото коло големиот Вавринка во петтиот сет го остави без гем.
Така, Гастон стана единствениот играч надвор од најдобрите 200 во светот што се пласирал во осминафиналето на Ролан Гарос од 2002 година и е најслабо рангиран играч од кој Вавринка некогаш загубил на еден од четирите најголеми турнири.
Сепак, тука би требало да биде крајот на чудата на Гастон, бидејќи во осминафиналето игра со победникот на УС Опен, Доминик Тием кој лесно славеше над Каспер Руд (6:4, 6:3, 6:1).

Извор: index.hr