НАСА испраќа тоалет вреден 23 милиони долари во вселената

Санитарниот јазол што американската вселенска агенција ќе го испрати во вселената,   e еден од најскапите, ако не и најскапиот во светот, бидејќи чини 23 милиони долари, и тој наскоро до Меѓународната вселенска станица, ќе лета со ракетата „Антарес“.

Во вселенскиот брод со кој ќе лета овој скап тоалет има и намирници за астронаутите.

Тоалетот е соодветно грандиозно именуван како Универзален систем за управување со отпад (UWMS). Тој е за 65 %  помал и 40 % полесен од тоалетот што моментално го користат астронаутите, објави НАСА.

Потребата за ваков тоалет се појавила откако жените астронаути почнале да ја истакнуваат непрактичноста на сегашниот тоалет, односно конструктивната грешка на траката за фиксирање на телото за таа да не се откачи од даската и да почне да лебди.

Исто така, новиот тоалет има многу поекономичен систем за претворање на урината во вода.

Извор: B92.net