Хамилтон во Сочи ја освои 96-та пол позиција во својата кариера

Луис Хамилтон на трката за ГН на Русија во Сочи стигна до 96-та пол позиција во кариерата. Актуелниот светски шампион славеше пред Макс Верстапен од Ред Бул и клубскиот колега Валтери Ботас.

Иако 10-та трка во сезоната ќе ја започне од водечката стартна позиција, Хамилтон на утрешниот старт мора да биде многу внимателен затоа што трката ја започнува со софт гуми, за разлика од главните конкуренти кои се на медиум.

Четвртото место му припадна на Серхио Перез од Расинг Поинт, следен од Даниел Рикиардо во Рено и Карлос Саинц во Мекларен во третиот ред.

Ферари повторно немаше квалификации за паметење. Чарлс Леклер ќе стартува од 11-тата позиција, а Себастијан Фетел од 15-тата откако во втората квалификациска рунда излета од патеката и ги прекина квалификациите.

Извор: index.hr