Пет навики кои го продолжуваат животот и носат здравје
Студија од 2018 година на Универзитетот Харвард, на која работеа повеќе од 30 години, успеа да идентификува пет приоритети што треба да се воведат во секојдневниот живот, ако сакате да живеете што е можно поздраво и да го продолжите животот и за 10 години
Јадете овошје и зеленчук
Иако не треба да бидеме изненадени, консумирањето здрава исхрана полна со овошје, зеленчук и здрави протеини е од витално значење за одржување на целокупниот здрав начин на живот, но тоа не значи дека постои единствен пристап кон добраисхрана.
Кога станува збор за здрава храна, таа е различна за секоја личност. Дефинитивно има состојки кои се лоши за сите како што е шеќерот, но некои луѓе можат да толерираат повеќе шеќер од другите. Затоа, кова велиме дека некоја храна не е здрава, тоа не важи за секого, на пример, некои луѓе треба да јадат мрсна храна затоа што имаат потреба од дебелеење. Проблемот е кога храната се рекламира како здрава иако повеќето нутриционисти не ја сметаат за здрава.
Секојдневно движење
Без разлика дали одите на мали прошетки навечер или секојдневно вежбате, секојдневното движење е клучно за да се чувствувате и да изгледате најдобро.
– Вежбањето дома е многу важно. И додека работите од дома, многу ви е полесно да се храните здраво затоа што имате пристап до вашата кујна кога сакате. Искористете ја можноста да јадете дома и да готвите хранливи оброци – вели експертот за продуктивност Саманта Ворен.
Одржувајте здрава телесна тежина
Според оваа студија на Харвард, контролата на телесната тежина значително го намалува ризикот од дијабетес, кардиоваскуларни болести и рак на дојка. Ова не значи дека треба веднаш да ги намалите килограмите, туку дека треба да ја одржувате тежината во која се чувствувате најпријатно.
Не претерувајте со алкохол
Редовното консумирање алкохол не е добро за вашето тело. Иако повремената чаша црвено вино не штети, студијата препорачува ограничување на внесот на алкохол на една чаша вино на ден за жените и до две чаши вино за мажите.
Немојте да пушите
Едноставно е – немојте да пушите. Иако никогаш не е доцна да се откажете од пушењето, студијата покажа дека секој што пушел помалку од 100 цигари во текот на својот живот, ќе има многу помал ризик од заболување од редовните пушачи, пишува The Ladders.
Извор: theladders.com
