Британската ѕвезда одбива да носи маска: Ни одземаат премногу слобода

Поранешниот гитарист на Oasis, Ноел Галагер остро се спротивставува на носењето маскa среде пандемијата на коронавирусoт.

53-годишниот музичар вели дека граѓаните биле „лишени од премногу е***и слободи“ за време на пандемијата.

“Одлучувам да не носам маска. Ако добијам вирус, јас сум виновен. Ако сите други носат маска, нема да го добијам вирусот од нив. А, ако имам, тие нема да го добијат од мене … мислам дека сето тоа е с***е”, изјави Ноел Галагер.

Луѓето во Велика Британија мора да носат маски во поголемиот дел од јавните места, а прекршителите се соочуваат со казни од 200 фунти до 3.200 фунти, пренесува „Fox News“.

“Неодамна одев за Манчестер и едно момче во возот ме праша дали ќе ставам маска затоа што во спротивно би платил илјадници фунти казна. Но, не мора да носите маска ако јадете”, изјави поранешниот фронтмен на Oasis. „И да, тој смртоносен вирус кој се наоѓа во возот ќе дојде и ќе сака да ме нападне, но ќе види дека јадам сендвич, па ќе ме остави да ручам на раат“, додаде тој.