Одговорот на едно прашање ја открива вашата личност

При првата средба тешко е да се сфатите каков карактер има вашиот соговорник. Само
кога ќе го запознаете подобро, ќе ги откриете неговите мани и недостатоци. Сепак,
експертите тврдат дека одговорот на само едно прашање може да ви помогне да
откриете дали нечив карактер ви одговара.
Психолог од универзитетот Вејк Форест, Дастин Вуд, тврди дека начинот на кој ги
доживуваме другите ја открива нашата личност. Па затоа, доволно е да ги прашате
луѓето што мислат за некоја друга личност. Ако гледаат позитивно на другите, тоа
може да покаже колку тие се задоволни од сопствениот живот и колку им се допаѓаат
другите луѓе.
Оние кои се несреќни или незадоволни од својот живот, најверојатно негативно ќе
зборуваат за другите, а истото ќе го направат и нарцисоидните и несоцијалните луѓе.
Покрај тоа, Вуд верува дека ако гледате на другите исклучиво негативно, веројатно сте
склони кон депресија.