Џенифер Анистон и реченицата која го сменила животот

За успехот на Џенифер Анистон не треба многу да се зборува. Актерката доби статус
на ѕвезда во деведесеттите години, кога започна да глуми во легендарната серија
„Пријатели“, а во следните 25 години постигна голем успех и на филмското платно.
Сепак, се чини дека дури и ѕвездите како Џенифер не секогаш “пукаат” со
самодоверба.
Во интервју за Harper’s Bazaar, актерката откри дека една реченица, која и била кажана
кога имала само 11 години, и го сменила животот.
„Се сеќавам дека еден од моите родители, кога имав 11 години, после вечерата, ми
дозволи да станам од масата затоа што немав ништо интересно да кажам. „Реченицата
ќе ја паметам засекогаш и, ако треба да бидеме искрени (и ќе бидеме бидејќи имам 50
години), тaа реченица ми го одбележа целиот живот“, рече Џенифер.
Таа призна дека и ден денес кога е на маса полна со странци, се чувствува како да има
повторно 11 години.
Како и да е, Џенифер Анистон истакна дека во последните две години започнала
интензивно да размислува за тоа каков пример им претставува на младите девојки и
каква порака им испраќа, па затоа сака да се потруди, ничиј животот да не биде
одбележан со слична реченица, бидејќи секој треба да знае дека нивниот збор е важен
и има моќ.