НБА драфтот сепак ќе започне во ноември

НБА лигата полека ја планира следната сезона и сега го одредија точниот датум на
одржување на драфтот – 18 ноември 2020 година.
Според овој датум, се чини дека сезоната ќе започне во 2020 година, и тоа околу
Католичкиот Божиќ на 25 декември.
Драфтот првично беше закажан за октомври, но НБА одлучи да го премести за уште
еден месец, со цел тимовите да имаат доволно време да ги соберат сите информации за
играчите што ќе бидат достапни на драфтот.
Минесота го има првиот избор на драфтот во 2020 година.
Голден Стејт ќе бираат втори. Третиот пик ќе го има Шарлот, па следат Чикаго,
Кливленд, Атланта и Детроит. Њујорк Никс ќе бираат 8-ми, а по нив Вашингтон,
Феникс, Сан Антонио, Сакраменто, Њу Орлеанс, Бостон Селтикс.