Ellen DeGeneris – „Шефица од пеколот“

Познатата ТВ водителка Ellen DeGeneris во последно време е честа мета на напади, а сè започна откако неколку нејзини поранешни вработени и соработници отворено зборуваа за тоа како еднa од омилените американски ТВ-лица се однесувала кон своите колеги.

Бранот обвинувања со кои се соочува Ellen стана преголем, па WarnerMedia да можеа да го игнорираат. Нејзиното планетарно популарно шоу заврши под истрага на медиумската куќа, и по се изгледа дека светската и бизнис империјата што ја градеше  Ellen е пред колапс.

Откако се покажа дека Ellen лошо се однесува кон вработените, ги понижувала,  делела откази доколку вработените отсустваат од работа поради болест или одат на погреб, јавноста се сврте против неа, па дури тогаш таа јавно проговори и се извини за целата ситуација. Се обиде одговорноста да им ја префрли на раководните лица, кои ја злоупотребиле позицијата која таа им ја дала.

Бидејќи целиот овој случај се развива и понатаму, јавноста дознава се повеќе детали за односот помеѓу Ellen и нејзините вработени. Во последните написи, Daily Mail носи сведоштва од работното место, а една од нејзините поранешни вработени вели дека атмосферата во шоуто на Ellen била иста како да си во “работен логор”. Тој раскажа како DeGeneris постојано им викалa, ги казнувала за секоја мала грешка што ќе ја направиле. На пример, кога храната се послужувала во погрешни садови, ако пената во кафето не била како што таа си ја замислила тоа утро, кога шејкерот бил ставен на погрешно место, а се зборува и дека Ellen им ставала “стапици” на сетот, како кутија со кибритчиња под перница или зад шкаф, за подоцна да открие дали некој го исчистил и тој дел од собата.

(24sata.hr)