Неочекуваната кампања на Бургер Кинг ги освои социјалните мрежи.

Со кампањата по повод Неделата на гордоста во Хелсинки, Бургер Кинг испрати моќна љубовна порака – реклама во која нивната маскота го бакнува вечниот ривал Роналд Мекдоналд.
„Љубовта ги освојува сите“, е насловот на рекламата која веднаш привлече големо внимание.

„Бургер Кинг отсекогаш се залагаше за еднаквост, љубов и право сите да бидат тоа што се“, изјави менаџерот на брендот Бургер Кинг за Финска, Каиса Касила. “Единствен  случај кога тоа можеби не изгледа дека е така, е кога се шегуваме со нашата конкуренција. Но, сакаме да бидеме јасни – сето тоа произлегува од почитта што ја имаме кон нив. А, знаеме дека Мекдоналдс се залагаат за вредностите за кои ние се залагаме”, додаде таа.

Идејата за кампањата потекнувала од нивната желба да ја слават љубовта во сите нејзини форми. “Мислевме дека нема подобар начин да ги пренесеме нашите вредности од прикажувањето бакнеж помеѓу Бургер Кинг и Мекдоналд. Сакавме да покажеме дека на крајот, “љубовта секогаш победува”.