На Ѓоковиќ нема да му се допадне новата одлука на Ролан Гарос

Организаторите на Ролан Гарос објавија дека тенисерите кои ќе учествуваат на турнирот, нема да смеат да изнајмуваат приватни куќи во Париз, како што беше случајот на УС Опен.

Неколку недели пред почетокот на УС Опен, многу тенисери се пожалија дека ќе бидат сместени во хотел, а меѓу нив беше и Новак Ѓоковиќ.

УС Опен тогаш дозволи изнајмување приватни, луксузни куќи, варијанта за која се одлучија Новак Ѓоковиќ и Серена Вилијамс.

Сепак, на Ролан Гарос тоа нема да биде дозволено и ќе видиме каков ќе биде одговорот на Ѓоковиќ.

Тенисерите нема да смеат да го напуштат хотелот освен ако не одат на Ролан Гарос, на стадионот Жан Боан или на некој друг тренинг центар во рамките на Ролан Гарос.
Роланд Гарос се игра од 21 септември до 11 октомври (вклучувајќи ги и квалификациите).

На турнирот ќе присуствуваат навивачи. Дозволени се по пет илјади на терените Филип Шатрије и Сузан Ленгален, плус максимум 1.500 на теренот Симон Матију.

Извор: b92.net