Луј Витон планира продажба на брендирани визири! Од цената ќе добиете главоболка

Ако некој ни кажеше дека 2020 година ќе мине во знакот на заштитни маски, ракавици
и визири, тешко дека ќе поверувавме.
Работите да бидат уште полоши, ние за жал ќе мора да живееме со нив уште некое
време.
А, луѓето како луѓе и компаниите како компании, не би биле тоа што се ако не најдат
начин како да профитираат.
Не грижете се, цената на заштитните маски не скокна, но затоа модната куќа Луј Витон
планира да продава заштитни визири со монограм и кожни детали.
Визирот се состои од еластична лента со монограм што се поставува околу главата.
Рабовите на визирот се од кожа.
Монограмот е фотохроматски, што значи дека потемнува кога ќе дојде во контакт со
светлина.
Некои американски медиуми објавија дека визирот на оваа марка ќе чини 961 долар.
Сепак цената сè уште не е официјално објавена.
Визирите би требало да се најдат во продажба кон крајот на месец октомври.