Зарем за две години ќе биде ставен под контрола коронавирусот?

Светската здравствена организација не знае кога ќе заврши пандемијата на
коронавирусот, но претпоставува дека болеста ќе биде ставена под контрола во рок од
две години, објави прес-службата на оваа организација.
Денеска се навршуваат точно шест месеци откако СЗО прогласи пандемија, иако на
почетокот, оваа организација го сметаше појавувањето на вирусот Ковид-19 како
пандемија со неколку жаришта.
„Од оваа гледна точка, не можеме да кажеме кога ќе заврши пандемијата, но можно е
со глобални напори и современа технологија, таа да биде ставена под контрола за
неколку години“, се вели во соопштението.
Во него се наведува дека државите треба да се фокусираат на четири приоритети –
спречување на ширење на вирусот, луѓето да знаат како да се заштитат, основите на
јавното здравје и заштита на ранливите категории, вклучително и старите лица како и
лицата со посебни потреби.
СЗО смета дека и после шест месеци од прогласувањето на пандемијата, вирусот
остана заразен на ист начин.
"Човечките вируси можат да напредуваат, станувајќи повеќе или помалку патогени.
Врз основа на досегашните истражувања на повеќе од 80.000 геномски примероци,
утврдено е дека преносливоста и сериозноста на вирусот не се променети",
соопштуваат од СЗО, додавајќи дека промените во вирусот постојано се следат.