Хммммм….Дали Ливерпул го „украде“ дресот на Хрватите?

Актуелниот шампион на Англија денес го промовираше третиот сет на дресови, а на социјалните мрежи веднаш започна голема полемика.

Не е новост дека „црвените“ од „Енфилд“ имаат резервна црна комбинација, но досега таа немаше дезен во форма на таканаречена „шаховска табла“.

Оваа комбинација потсетува  на дресот на хрватската репрезентација, кој „огнените“ го носеа пред неколку дена на гостувањето во Португалија.

Навивачите на Ливерпул не се задоволни од оваа одлука, ниту пак Хрватите, кои се убедени дека им е „украден“ дресот.

На инстаграм профилот на Ливерпул има опис дека дресот е „инспириран од познатите европски ноќи“, но навивачите се збунети со ова објаснување.