“Rockstar” на Post Malone е втората песна во историјата која има две милијарди преслушувања на Spotify

Песната “Rockstar” во изведба на Post Malone и 21 Savage стана втората песна во
историјата што ја надмина бројката од две милијарди преслушувања на Spotify. Тоа се
случува скоро три години по објавувањето на овој хит.
Досега само Ed Sheeran успеа да го стори тоа со неговиот хит сингл “Shape of You” која
е единствената песна повеќе слушана од “Rockstar” на оваа платформа и која
моментално има 2,6 милијарди преслушувања.
Следи Drake со “One Dance“, хит кој има 1,9 милијарди преслушувања.
Песната “Rockstar” беше објавена на вториот албум на Post Malone, “Beerbongs &
Bentleys”, кој беше објавен во 2018 година.
Во моментов Malone работи на својот четврти албум, за кој се надева дека ќе го
„подигне расположението“ на луѓето.
"Имам многу работи кои сакам да ги кажам, кои на луѓето во ова време ќе им дадат
надеж и ќе го подигнат своето расположение. Ова е најмрачното време во Америка. Јас
само се обидувам да најдам нешто убаво во тоа. Сакам да направам албум што ќе ги
развесели луѓето и ќе им даде до знаење дека не се сами во овие времиња полни со
осаменост и грижа. На крајот на денот, ние треба само да покажеме љубов кон сите на
планетата”, изјави Post Malone во интервју за Вашингтон пост.

С.С.