Феноменот СТРЕСТЕМВРИ: Зошто нашата вознемиреност достигнува врв во септември?

Истражувањата покажуваат дека овој месец е најпроблематичен за менталното здравје

Ако чувствувате дека во моментов сте под поголем стрес од вообичаеното, вие не сте
единствените.
Септемврискиот стрес е вистински проблем.
Според истражувањето на Гугл за индексот на расположение, повеќето луѓе го
доживуваат врвот на вознемиреност и стрес во септември и октомври.

Зошто овој проблем е најизразен во септември?
Со години, септемврискиот стрес се изучува како посебен феномен, кој е познат и како
„стрестември“.
Многу терапевти дојдоа до заклучок дека на есен, нивните пациенти покажуваат
повисок степен на анксиозност, но понатамошните истражувања покажуваат дека,
всушност, за време на летните одмори тие се помалку под стрес, па затоа во септември
повеќето од нив всушност се враќаат само на претходното ниво.
Логично е, затоа што на кого му е пријатно после одмор и уживање, да се врати на
своите обврски?

Кога станува збор за стресот, постојат два сезонски врва – на пролет и на есен, но тој е
многу поизразен на есен.
Постојат повеќе причини.

Голема улога во тоа дека во септември сме под најголем стрес има времето. Имено,
овој месец е поврзан со чести промени во временската прогноза, како и осцилации
помеѓу утринските и дневните температури, кои индиректно влијаат на сите.
Исто така, ненадејната промена нa рутината има голема причина зошто чувствуваме
зголемена анксиозност. Веднаш штом ќе се смени нашиот распоред, нашиот начин на
живот се менува и сето тоа влијае на нашата ментална состојба. Ова особено се
рефлектира кај родителите, кои балансираат помеѓу враќањето на работа и обврските
што нивните деца повторно ги започнуваат.
Поради моменталната состојба во светот, можно е стресот и анксиозноста да бидат
поизразени од кога и да било порано, бидејќи се соочуваме со многу променета
состојба на нештата, а несигурноста ги создава овие проблеми кај секого.
Извор: Objektiv.rs

С.С.