Откриена тајната битка на Викторија и Дејвид Бекам со Ковид-19

Откриено е дека Викторија и Дејвид Бекам тајно се бореле со коронавирусот и дека заразиле свои пријатели и вработени.

Тие се заразиле на 1 март додека биле во Америка, а по враќањето во Велика Британија, Дејвид почувствувал симптоми, а потоа и Викторија.

По враќањето во Англија, одлучиле да го прослават 21-от роденден на нивниот син Бруклин, на кој присуствувале многу гости (меѓу кои и поранешната членка на SpiceGirls, Emma Bunton), а многумина од нив од прославата си заминале заразени, пренесуваат британските медиуми.

“Тоа беше вистински кошмар. Дејвид отиде во Америка поради неговите обврски во клубот, а Викторија и неговото семејство отидоа со него. Беа на неколку настани, каде Дејвид имаше промотивни должности, се ракуваше и бакнуваше со навивачите на клубот”, изјави за странски медиуми, близок пријател.

Кога се вратиле во Велика Британија, Дејвид почувствувал симптоми, а потоа и Викторија имала болки во грлото и температура.

“Во исто време, неколку нивни вработени почнаа да појавуваат симптоми. Викторија веднаш нареди целото семејство да биде ставено во карантин повеќе од две недели, бидејќи се плашеше дека ќе го шират вирусот и ќе заразат други”, додаде пријател на Дејвид и Викторија.

Семејството Бекам одбива да ги коментира обвинувањата.

Извор: news.com.au

С.С.