Црна Гора е првата земја во Европа која го победи коронавирусот
Нема повеќе пациенти со коронавирус во Црна Гора, а нови случаи не се пријавени веќе 20 дена. Исто така, надлежните не брзаат официјално да прогласат победа над вирусот.
Црногорскиот институт за јавно здравје издаде соопштение во кое се вели дека во земјата веќе 20 дена нема евидентирани нови случаи.
Раководителот на Институтот, Бобан Мугоша, рече дека крајот на епидемијата ќе биде објавен доколку нема нови заболувања до 2 јуни, односно 28 дена по последната појава.
За време на пандемијата во Црна Гора биле регистрирани вкупно 324 случаи на коронавирус. Вкупно починати од коронавирус се заведени 9 лица, а сите други 315 пациенти веќе закрепнале.
Првите 6 случаи беа регистрирани на 18 март. Пикот во Црна Гора се случи на 3 април, кога беа забележани 30 случаи на коронавирус. Последните 5 случаи се евидентирани на 25, 26 и 29 април, како и на 4 и 5 мај.
